Каспер © е компјутерски програм за шпедитерско работење, авторско дело на Јовановски Вељо, Деловски Ангеле и Црвенковски Сашо, изработен во Microsoft Officce (Access)© за Windows 95/98/MI/2000/XP ©.

Првата верзија на Каспер е издадена 1993 г., и уште на почетокот претставува  одраз на желбата на авторите да создадат “виртуелна канцеларија без хартија” т.е. апликација која ќе ги содржи сите потребни податоци и алатки со кои декларантот ќе може да ја започне и заврши целата работа на едно место. 

Така, уште првата верзија на програмот ги содржи следните елементи:

Мрежно работење

Евиденција на коминтенти

Работење по предмети

Ажурирање на влезни документи (ф-ра, пријава, товарен лист...)

Автоматско формирање на наименованија

Автоматско формирање на увозно-извозна декларација и декларација за царинска вредност

Додатни обрасци кои превземаат податоци од предметот

Печатење на сите обрасци

Анализа на работењето (прегледи, листи...)

Сите шифрарници што се сретнуваат во царинската постапка со можност за лесно повикување на потребните места

Царинска тарифа со целосни наименованија, царинските стапки, посебните давачки, единици мерки

Искуствени податоци кои се формираат при самото работење, за повторно да се користат,

од кои во суштина, со нужни функционални и дизајнерски измени е составена,  и најновата верзија на Каспер, скоро десет години подоцна.
Со брзиот и интензивен развој на надворешно-трговското работење и соодветно, многу честите промени во царинската постапка, стручниот тим на Вегеса секогаш тежнее со истите да биде во тек и оние кои може да се автоматизираат да ги имплементира во Каспер во најбрз можен рок, произведувајќи многу често нови верзии, но секогаш задржувајќи ја неговата основна едноставност и функционалност.
 

Се појавуваат и нови програмски модули, отпрвин како додатоци на Каспер, а подоцна и како самостојни апликации и изданија : Фактурирање, Калкулација, Web прегледи на надворешно-трговско работење, CD Информатор, Web Тарифирање CD издание и др.
 

Појавата на ЕЦД-то (Единствен Царински Документ) значи и квалитетен премин на КАСПЕР во стандардна Windows апликација, која максимално ги користи можностите на овој оперативен систем, а појавата на ASYCUDA отвори можности за пренос (upload) на декларацијата во електронски облик со најава царинењето да се спроведе и без присуство на документи.